Assalamu’alaikum wr.wb
Pemirsa ing siang punika /
panjenengan katemben mriksani program / pawartos basa jawi / edisi Senin Pahing, / wolu likur
Januari / kalih ewu tiga welas / tabuh sekawan welas Wekdal Nuswantara Iring
Kilen //. Pemirsa saged mriksani pawartos ingkang enggal tur wigati /
mliginipun saking saindhenging wewengkon Daerah Istimewa Yogyakarta //.
Pawartos kaaturaken kanthi gamblang
/ imbang / lan wicaksana //. Sesarengan kalian kula / Meida Riski Pujiyati / kelas
sedasa satunggal / absen sangalas / SMA Negeri satunggal Wonosobo //.
Gubernur DIY / Mertinjau Daerah Rawan Bencana ing
Bantul
Gubernur DIY / Sri Sultan HB X mertinjau daerah ingkang keterjang wontenipun
bencana alam tanah longsor lan angin topan ingkang kedadosan ing Bantul / (13/1)
//. Dene papan ingkang dipun pirsani / antawisipun bukit Wonolelo, / Pleret ing tikungan China Mati lan Desa
Bauran Pleret //. Wonten ing papan punika / Sultan paring pamrayogi supados
dipun damel terasiring / lan siti ingkang jejeg / utawi vertikal dipun damel
miring //.
Kanthi kawontenan siti ingkang kados
makaten /, supados tebing boten longsor kenging toya jawah / pramila perlu
dipun damel bronjong-bronjong kangge nahan toya //. Supados boten longsor /
tebing ingkang jejeg dipun damel miring pratela Ngarso Dalem //
Kawontenan siti ingkang gembur / lan
empuk manawi kenging toya dados lunyu /, gampang gempil / lan dawah utawi
longsor //. Sangandaping tebing Wonolelo ingkang inggilipun 10 meter punika /
wonten margi kagem lalu lintas //. Amargi longsor / pramilo margi saking
Kecamatan Pleret / tumuju Kecamatan Dlingo/
putus boten saget kagem lewat kendaraan //. Kawasan Wonolelo / wonten 4
titik ingkang rawan longsor //. Supados siti saget miring / dipun betahaken
siti ingkang panjangipun 50 meter // . Nanging / siti ingkang wonten sa
inggiling tebing punika / gadahanipun warga /, sahengga / perlu dipun rembag
kaliyan ingkang kagungan /, pratela Kepala Dinas Pekerjaan Umum Bantul / Ir.
Heru Suhadi, MT //.
Kunjungan Gubernur punika / dipun
tindakaken supados Pemerintah DIY / punapa dene pemerintah Kabupaten Bantul
nindakaken langkah pencegahan ingkang sami //. Gubernur pitados bilih manawi
warga dipun ajak sesarengan kaliyan pemerintah / ngrampungaken masalah bencana
mesthi dipun sengkuyung //. Salajengipun babagan badai Narele lan puting
beliung / Sultan paring pratela sedaya warga tansah waspada / lan ngati-ati
wontenipun angin puting beliung ingkang saget merobohkan griya lan tetuwuhan //.
Salajengipun warga ingkang griyanipun roboh lan rusak berat /, pemerintah badhe
paring bantuan kangge perbaikan utawi rekonstruksi //. (bs)
Pamirsa / mekaten pawartos ing siang
punika //. Pungkasaning atur kula kalian tim redaksi ingkang ngayahi jejibahan
/ ngaturaken panueun awit kawigatosanipun //.
Mugi panjenengan tetep setya ing
channel informasi ingkang aktual /, akurat /, saha mbangun punika //.
Kanthi asesanti /, jaya wijayanti /,
angleluri budaya jawi /, mugi rahayu ingkang samia pinanggih //.
NUWUN
Wassalamu’alaikum wr.wb
Tidak ada komentar:
Posting Komentar